الصفحة الرئيسيه شكرا يا سعودية انولدت وعشت في بلد من اقدس بلاد الكون ناس هالبلد كانو دايما بالخدمة والعون بلد رائع بالدين والاخلاق والكرم فيها المسجد النبوي والكعبة والحرم فيها جدة و أبها و الجوف والله عايش فيها بامان ومن غير خوف فيها الخبر والرياض و الباحة عايش فيها و نفسيتي مرتاحة الله على خليجها العربي وبحرها الاحمر وما في بعد علمها الاخضر عليه كلام من احسن الكلام عليه شهادة الاسلام شكرا يا سعودية و شكرا لشعبها الطيب تأليف أحمد صلاح شبلاق صديق المصالح ازا كان عندك مشكله و صديقك بخدمة قصدته وانتا قبل هيك حليتله مشكلة و بسطته و بروحك فديته والدين عنه مره سديته وكنت جنبه بكل ضيقه وما بعدت عنه دقيقة واجيت وقصدته في خدمة وشوفته كَشر وقناع الطيبه بدأ يتقَشر اعرف وقتها انه هذا الانسان مش اصيل وما بيستاهل يكون صديق العمر الطويل هذا الانسان مش شهم ووجوده معك زي وجود القوس من غير سهم هذا صديق مصالح ابعد عنه و خليه يزعل ويشرب من البحر المالح واصلا ما بيستحق كلمة صديق شق ورقته من دفتر حياتك وارميها في حريق وهذا الكلام بينطبق كمان على النسيب و القريب تأليف أحمد صلاح شبلاق الاقصى في خطر انا الاقصى وهاهي الاخطار تحوم حولي وكل يوم اقول اني في خطر ولا أحد يسمع لقولي ماذا تنتظر يا مجتمعي المسلم ؟ فانك لا تحتاج الى قرار دولي يوم امس اليهود احتلوا ساحاتي واليوم احترقت باحاتي ولا احد يسمع لصيحاتي اريد ان اذكرك بانني ذكرت بآيات قرآنيه كريمة فاعلم ان صمتك يعتبر مشاركة بالجريمة اذا لم تتحرك لتنقذني فلا عتب على من يهودني فماذا تنتظر؟؟؟؟؟ تأليف أحمد صلاح شبلاق الاقصى بينادي   فهل يا ترى في حدا راح يسمع و ينصره أوفي حدا راح يقمع العدوان وعلى الانتهاء يجبره يا مسلمين الاقصى مش ملك لحكومة او فصيل الاقصى ملك وشرف كل مسلم اصيل ليش كل هذا الجمود احنا ما بدنا تحشدو الجنود بس بدنا دولة مسلمة شهمة يكون في قلبها رحمة تقول لأ و1000 لأ للي بيصير يمكن تتحرك باقي الدول و يصحى الضمير تأليف أحمد صلاح شبلاق حب مع الاغاني و الافلام بحبكِ بكل مافي الكلمة من معنى بهديكِ كل أغاني أهل الطرب و المغنى بهديكِ أغنية (اهواك) اللي غناها العندليب و أغنية شادية (رايداك) اللي غنتها للحبيب بهديكِ اغنية (بطمنك) لشيرين وأغنيه عمرو دياب (سنين) بهديكِ كل اغاني الحب في الزمن الجميل صدقيني راح احبك اكتر من حُب تامر في فيلم (عمر و سلمى1 ) لـ ميس  و اكتر من حُب ليلى لـ قيس J تأليف أحمد شبلاق قررت اتغير انا كنت مع الناس طيب زيادة عن اللازم كنت اقول لحالي ما تدقق وسامح وماتكون حازم كنت دايما اقلق عليهم واسأل مش مفروض هما كمان يسألو شو بعمل!! بس خلص قررت اتغير اللي راح يعطيني راح اعطيه واللي بقدرني راح افديه هلآ ازا صار مني غياب فأكيد عرفتو شو هيها الاسباب تأليف أحمد شبلاق شباب و صبايا الجامعة للاسف صرنا نقلد الغرب بعدنا عن الاسلام أحسن درب بعدنا عن دينا وعاداتنا و تقاليدنا زمان بالجامعه كانو الصبايا يقولو....احنا خايفين الشباب صارو يمسكو ايدنا وهلآ صارو يقولو.....ياويلهم لو ما باسونا بعيدنا والشباب ما شاء الله مش مقصرين غرام وغزل بوعدو الصبايا بالزواج وكل كلامهم كزب ودجل شوفو كيف أغلب علاقات الجامعة صارت مشبوه الكراسي اللي تحت الشجر للعشاق محجوزة شوفو بالجامعة كيف صار لبسنا ما عاد في شي يغطي جسمنا ما عاد عنا طموحات ننجح نرسب ما عاد تفرق مصاري اهلنا على الفاضي بنحرق يارب تهدينا وتصلح حالنا تأليف أحمد صلاح شبلاق فكرة Ashar Tuffaha & Doaa Saleh صداقة ولا حب ليه صرنا ننفهم غلط ؟ الحب بالصداقة انخلط و الانسان بسوء ظن الناس انجلط صارت اغلب العلاقات بنظر الناس حب او الشب بيلعب بعقل البنت بهدية دب او البنت عندها فراغ عاطفي ولازم تحكي مع شب حاسه انها لازم من شب تنحب ليش ما تكون اخوة و صداقة ؟ ولا هيها بس فلسفة من الناس وحداقة ؟ يا ترى كلامهم صح ؟ تأليف أحمد شبلاق ************************* بدي الكل يشارك و يقول رأيه ووجهه نظره بالموضوع يا ترى في شي اسمه صداقه بين الشب و البنت ؟ ولا تعتبر الصداقه حجه وحجاب عشان كل واحد ياخد اللي بدو اياه من هاي العلاقه ؟ ياترى ممكن الصداقه تتحول لحب ؟ لو كان رايك انه في صداقه بين الشب والبنت ، ياترى لما تتزوج راح تكون موافق انه مرتك تكمل صداقته مع اي شب كانت بتعرفه وكان صاحبها؟ وياترى لما تتزوجي راح توافقي انه زوجك يكمل صداقته مع اي بنت كان بيعرفها و مصاحبها؟ حوار وعتاب بين زوج و زوجته 2 ************************ الزوج شو اكيد ببعدي عنك مليتي؟ أكيد ندمانه عشان صوتك عليا عليتي؟ خلص انا راح اسامحك وهاي اخر مره تصالحيني واصالحك ************************* الزوجة حبيبي والله اني ندمانة حتى شوف كيف ملابسي من دموع الندم انبلت بس ياللا مش مشكله اهم شي المشكله انحلت ************************** الزوج على قولتك اهم شي المشكله حليناها ومن الماضي خليناها ************************** الزوجة وانا مش راح ازعلك ************************** الزوج بتمنى تضلي على كلامك وبتمنى تطلي عليا بهدوئك وجمالك ************************** تأليف أحمد شبلاق هاي الخاطره تابعه للخاطره اللي تحتها حوار و عتاب بين زوج و زوجته  حوار و عتاب بين زوج و زوجته ***************** الزوج على فكرة انتي لهلأ ما اعتذرتي و قلتي اسفة والله كان صوتكِ كأنه صوت انفجار عبوة الناسفة انفجرتي عليا بصوتكِ كأنه منعتكِ من الهوا و الضو **************** الزوجه ازا انا كنت عبوة ناسفة فأنتا كنت صاروخ ارض جو انفجر ل 100 شظية و أوقع 100 ضحية انتا كبرت الموضوع وعملته قضية ******************** الزوج كان لازم تسمعي كلامي وما تروحي مع تحية حكيتلك ابعدي عنها مش منيحه هالصبية حكتيلي لأ ما الك دخل برفقاتي مش حسمع كلامك انا حرة بحياتي مع اني جبتلك الدليل على انها مش منيحة حلفتيلك وماصدقتيني وقلتي الاخبار مش صحيحة وهلآ بعد ماعرفتيها على حقيقتها جاية تفشي غلك فيا لا والله ما حزرتي هذا الاسلوب ما بيمشي عليا ********************* الزوجة انتا كمان الله يسامحك شايفني عم اغلي كان لازم تأخديني على أد عقلي ****************** الزوج بالله شو!!!! صوتك عم يعلى و بدك اياني احكيلك بحبكِ وكل شي فيكِ عم يحلى؟؟ **************** الزوجة خلص حبيبي انا اسفه   وحسمع كلامك مره تانيه تأليف أحمد صلاح شبلاق رحلة مصر قررنا بالصيف نسافر على مصر حجزنا فندق بالدقي مش بمدينة نصر رحنا على الخطوط السعودية وصلنا هناك على الفجرية ومن اول يوم على المتحف رحنا اكلنا كشري لما رجعنا شوفنا الاهرامات وأبو الهول رحنا على سيتي ستارز و جنينه مول تمشينا على النيل و بحديقة الحيوانات صورنا الفيل تسوقنا بخان الخليلي و سمعنا بروتانا كافيه أغنية قلبي دليلي حضرنا افراح ناس غاليين علينا كانت الفرحه فرحتين ، لانه اول مره نشوفهم بعنينا اتفرجنا على السرك الروسي و شوفنا بمدينة الانتاج وين صورت فيلمها بوسي لعبنا بدريم بارك ، بس كان بدها وقت اكبر وحضرنا فيها حفلة حماقي وغنى "بحبك كل يوم اكتر" رحنا على القرية الفرعونية و البرج تمشينا بأزهر بارك ، و يومها كنت ناسي الجوال بالدرج و بالاسكندرية رحنا على المنتزه والمعمورة وقابلنا صديقتنا الامورة و بشرم الشيخ ركبنا الموزه و الدباب بعدها رجعنا السعودية.... وصارت الرحلة زكرى مقفول عليها الباب تأليف أحمد صلاح شبلاق اشتقتلك اشتقت لكل حاجه فيك قلبك و روحك وعينيك اشتقت لجسمك اشتقت لكسمك ياريت بقدر احفر قبرك والله نفسي اشوفك والله اشتقتلك واشتقت لرموشك الله ينور عليك تحت التربة والله يقوينا من بعدك على الغربة اشتقتلك يا بابا....انا بنتك قلبك و حبيبتك الله يرحمك وموعدنا بالجنة ان شاء الله تأليف أحمد شبلاق *********************** هذه الخاطرة الى صديقتي سوما. رحم الله والدها واسكنه الجنة أنا انا بحر هادىء بلا امواج والاسماك تعشق ان تعيش فيه بالافواج انا قوس ذو سهم لا يجرح ومن يمتلكه يفرح انا شخصية لابد ان يتم بالكتب ادراجها واذا دخلت بحياة شخص اخر يصعب نسيانها ومن حياته اخراجها تأليف أحمد شبلاق خليك طيب بكفي غيبة و نقل حكي أتعلم الطيبة و خليك زكي فكر منيح و جاوب بدك تكون طيب و محبوب؟ ولا تستغيب الناس وتكون منبوذ؟ الطريقين ما في اسهل منهم بالغيبه راح تجرح ناس و تظلمهم وبالحزن والزعل تتركهم بالطيبة في ناس راح يحبوك وبقدر المعزة يرفعوك فكر و اختار تأليف أحمد شبلاق فكرة و طلب nice zizi أنا م.ع.ف.ش.أ أصلي 5 مرات يوميا أصوم شهر سنويا مؤمن بالبعث والنشور واحياء من في القبور فأنا مسلم ****************** لغتي لغة القرآن اول حروف لغتي الالف ثم الباء واخرها الياء فأنا عربي ****************** أمنيتي العودة لبلدي وأفديها بفلذة كبدي سأعود الى قدسنا والاقصى وما فيها لنا فأنا فلسطيني ****************** من صفاتي اكرام الضيف واذبح له الخروف بالسيف ومن صفاتي حسن الاخلاق فأنا شبلاق ******************* والدي طبيب الجميع يقول عني طيب وحبيب ثقتي بنفسي كبيرة وأعيش بحياتي مسرورا لن أتحدث عن نفسي كتيرا لكي لا تقولوا عني مغرورا الحمد لله اسلك طريق الحق والفلاح فأنا أحمد صلاح ****************** تأليف أحمد صلاح شبلاق   اربط حزامك مبارح بالليل كان قلبي مقبوض الصبح اتصل صاحبي وصوته مش مبسوط حسيت انه في شي مش مزبوط قاللي عملت حادث والحزام ما كان مربوط وراسي صار مخبوط وانا هلآ بالمشفى بيعملولي غرز وعم اتنقل بين الغرف راح يعملولي غرز كتير اصله الجرح براسي كبير رحتله على المشفى و زرته وعشان يعملوله الغرز قصوله شويه من غرته قلتله الحمد لله على سلامتك والله خوفتني عليك وبينك غلاوتك تاني مرة اربط حزامك ولا تلتهي بشي غير السواقه و اطلع قدامك تأليف أحمد شبلاق واخيرا" اتخرجت الحمد لله واخيراً اتخرجت وبدراستي اتفوقت وبمرتبة الشرف الثالثة اتشرفت حابب اشكر اهلي بابا اللي عن الكسل باعدني واخوي عزت اللي كتير ساعدني وأخوي محمد اللي على النجاح أرشدني وماما اللي اخدت بالها مني دعتلي و حمستني كانت تقول الله يوفقك والاستاذ يشرح و ينفعك وبالدرجات يرفعك واكيد ما راح انسى ستي كانت قبل كل اختبار تقرالي ايه الكرسي واكيد شكرا لكل اصدقائي و اقربائي كنتو خير عون باصعب اوقاتي تأليف أحمد صلاح شبلاق تخرجي دخلت الجامعة عشان اتعلم واودع الجهل هلآ اجى وقت إفِرح بالتخرج الأهل صحيح تعبت درست وما لعبت بس الحمد لله استفدت و نجحت أخدت الشهادة ودخلت بقلب أهلي السعادة هلآ اجى دور الوظيفة راح اصير اتحاسب بالدقيقة لازم اكون قد المسؤولية واراعي الحقوق الوظيفية بتمنى لنفسي التوفيق وناطر منكم أحلى تصفيق مبروك علي وعقبالكم تأليف أحمد شبلاق عيش يومك عيش اليوم وانسى مبارح حلو كان او جارح عيش وانبسط اتزوج يومك و ارتبط طلق مبارح و انفصل لازم الزكريات المره من مخك تنغسل ازا اجى عليك يوم عصيب كمرض او فراق قريب انساه....ومن زاكرتك امحاه ازا اجى عليك يوم سعيد كلقاء حبيب أو عيد زكرى حلوه خليه...ومستقبلك فيه حليه تأليف أحمد شبلاق حوار بينا و بين الايام عارفه يا ايام انه منك ما في اشطر بتدوري وبتلعبي فينا يوم معانا ويوم علينا والله حيرتينا يوم بنموت فيك ويوم بنسب عليك يوم يمين ويوم شمال يوم حزين ويوم مع الامال يوم مع الحب والاشتياق يوم مع البعد والافتراق بس بتعرفي الله بيختبرنا وبحطنا بمصيبة و بورطة وعدم الرضى هي الغلطة لازم نرضى بقدر الله وما نزعل والا بتجينا الجلطة تأليف أحمد شبلاق تذبحني ولا بكلامك تجرحني انتبه ترى كلامك بجرح لا تكمل وخذ السكينة واذبح تذبحني ولا بكلامك تجرحني صح بكلامك راح تكسر قلبي وتربح بس صدقني راح تيجيني بيوم زي الكلب تنبح السماح والعفو الك امنح بس ما حقدر لاني ما حرفض طلب قلبي وامنع اللي تكسر ولهلآ فيه عم اجمع ولو طول اليوم قدامي تدمع كلمه سامحتك مني مش راح تسمع طير من وجهي ولا تحاول مره تانيه وترجع قطع قلبي المكسور ما راح تسمح تأليف أحمد صلاح شبلاق   أني راحل أني راحل إلى عالم غير هذا العالم إلى كون غير هذا الكون إلى كون فيه أناس لا يسيئون الظن إلى كون فيه صداقه و إخلاص وحب يزيد فيه الحب بكل نبضة قلب إلى كون بلا حسد بلا حقد سوف اترك هذا الكون بما فيه من أناس و بشر و شمس وقمر حتى لو عشت به وحيدا سوف أكون سعيدا وداعا" تأليف أحمد شبلاق