حلم
في يوم من الأيام.
وأنا نايم أجاني منام.
أحلمت فيه أحلى الأحلام.
أحلمت أني أتعرفت على وحدة اسمها سهام.
وصار بينا حكي وكلام.
ورحنا على السينما وشوفنا شوية أفلام.
شوفنا فيلم للسقا وعادل أمام.
وصار بينا حب وغرام.
ألتلها أنا بدي أتزوجك عشان ما تصير علاقتنا حرام.
ويارب توافقي بسرعة عشان تصيري مدام.
ألت عرفني عن نفسك أنا مابعرفك تمام.
ألتلها أنا بدرس في جامعة البترول وبحب الترتيب والنظام.
ومعروف عني انتمائي لوطني التام.
وأبوي طبيب بمستوصف صقر السلام.
وأمي ما بتحب كتر الحكي والكلام.
ألت كلكم على رأسي مع كل الأدب لأبوك و لأمك و الاحترام.
المهم ألت تعال اطلب أيدي من أبوي عصام.
رحت بسرعة حلقت ذقني في الحمام.
سألتني مش حلق الذقن ممنوع في الإسلام.
ألتلها آه بس هذا حال الشباب هاالأيام.
المهم وافق أبوها وأتزوجنا وعملنا عرسنا في الشام.
وجبنا المغني اللي طلع بسوبر ستار حسام
روحنا على الفندق والغرفة كانت ظلام.
بلاش اخش بالتفاصيل بعدين بتقولوا علي قليل الأدب والاحترام.
بعد فترة حملت سهام وتوحمت على شمام.
ألتلها إذا أجى ولد راح اسميه فدائي مش هشام.
وأنا في الطريق لمستشفى الولادة بالدمام.
صحيت على صوت ماما وهي بتقول يا الله قوم صلي القيام.
عرفت أنه هذا كله وهم من الأوهام.
حكيتلها الله يسامحك كنت بحلم بأحلى الأحلام.
سألتني يا ترى إيله نهاية وختام.
ألتلها لأ بكمله لما أنام.
جميع الحقوق محفوظة للشاعرأحمد صلاح شبلاق * أبو فدائي.
خزوة
شفتها بالناظور
ومرت على بيتها مرور
وزمرتلها بسيارتي أحلى زمور
وكشفني الناطور
وأجاني ومعاه ساطور
حكيتله : أنا سباك وجاي اصلح الصنوبر
حكالي : ما عنا صنوبر مكسور
وأنتا كذاب وجاي تعاكس سهام منصور
وحكالي : إذا ما بتمشي وأنتا مطمور
راح انديلك الشرطي والمأمور
وبعدت من البيت و أنا مدحور
قلت لأ لازم أرسلها رسالة مع عصفور
وثاني يوم أرسلت العصفور ومعاه صورتي ومكتوب عليها أنا الشب الامور
وأنا بحُبك مسحور
وقلبي بهواكي مأسور
صدقيني ماراح أكون عليكي مغرور
وراح أكون لطلباتك عبدا مأمور
بس أنتي وافقي على زواجنا عشان أكون إنسان مسرور
وثالث يوم أرسلتلي أحلى عطور
أنا قلت خلص حبتني وصرت لحبها مجبور
ورابع يوم أرسلتلي رسالة وكتبت أنتا بالنسبة إلي مغمور
عشان هيك أنا عزماك بكرة على سمك هامور
وراح أعرفك على أبوي منصور
ولا تخاف راح يوافق لأني راح أبور
وخامس يوم رحت على بيتها وكان زحمة و الناس واقفة طابور وما في مكان للعبور
سألتهم شو السيرة قالوا عرس صاحبنا عمور
دخلت وسلمت عليها وحكتلي أعرفك على زوجي عمور
من بعد ما سمعت الخبر صار جسمي من الدم معصور
ورجعت عالبيت وأنا مقهور
لأني أول مرة اطلع من قصة حب مش منصور
وراحت علي ملكة جمال لو شوفتوها يا جماعة بتقولوا أنى معذور
وقعدت أتذكر حالي وأنا واقف بالطابور
لما سلمت عليها وانخزيت
جميع الحقوق محفوظة للشاعر أحمد صلاح شبلاق *أبو فدائي
بالي
خطر على بالي
في ليلة من الليالي
انه أسافر على جزيرة بالي
سألت عن الرحلات وقررت أخذ رحلة من خمس ليالي
بديت اقرأ عن بالي وعرفت انه فيها أحلى منظر طبيعي مش خيالي
ركبت الطيارة وكانت جنبي وحدة اسمها سالي
اتعرفت عليها و تفرجنا مع بعض على فيلم رسالة إلى الوالي
وبعد شوي شوفت الكابتن بيتمشى بالطيارة ارتعب حالي
آلتله روح سوق الطيارة احنا على ارتفاع عالي
ألي لا تخاف حاطط طيار آلي
بعد ما عرفت ارتاح بالي
ألي لا تخاف ياغالي
راح توصل بالسلامة وراح اعرفك على خالي
عنده تاكسي راح اخليه يفسحك ببالي
ويوديك على أحلى سباق رالي
وصلت بالي
وبعد يومين شوفت سالي
عزمتها على العشا ودفعت من مالي
وبعدها تفرقنا وروحت لحالي
وبعد هيك ماشوفتها بعيني ولا بخيالي
وهيك خلصت الخمس ليالي
و روحت من بالي
جميع الحقوق محفوظة للشاعر أحمد صلاح شبلاق* أبو فدائي
البليلة
ما أطيب البليلة .
إذا الشطة فيها قليلة .
وتاكلها مع بنوتة جميلة .
وتكون لابسة تنورة طويلة .
بس أوعى تكون زميله .
أو أجنبية لحسن تطلع عميلة .
وأوعى توقعوا بالرذيلة .
لان الشيطان شاطر.
و على غلطه ناطر.
جميع الحقوق محفوظه للشاعر أحمد صلاح شبلاق * أبو فدائي
|
