الصفحة الرئيسية يا سلام لو نتغير يا سلام لو نحافظ على البيئة و نزرع شجرة و بستان و حديقة يا سلام لو نبطل دخان و شيشة و نبطل مخدرات وحشيشه يا سلام لو نبطل على بعض نحقد و نبطل السحر لبعض نعقد يا سلام لو نبطل غرور والكل يتمنى للغير الخير و السرور يا سلام لو نبطل بالكزب نحلف و نبطل الوعد نخلف يا سلام لو نسمع كلمة أهلنا و نتعلم و نرفع رأسهم و نترك جهلنا يا سلام لو الزوجين على بعض يصبروا و يديروا بالهم على أولادهم وهما بيكبروا ياسلام لو نكون ايد وحدة من حضر و بدو على كل ظالم و على كل عدو لو بدي احكي عن كل شي عاطل بالدنيا مش حخلص من هون لشهر أنا كتبت هدول قلت يمكن يخف من قلبي القهر إن شاء الله نتغير تأليف أحمد صلاح شبلاق التخرج دخلتوا الجامعة عشان تتعلموا وتودعوا الجهل هلآ اجى وقت إتِفرحوا بالتخرج الأهل صحيح تعبتوا درستوا وما لعبتوا بس الحمد لله استفدتوا و نجحتوا أخدتوا الشهادة ودِخلتوا بقلوب أهلكم السعادة هلآ اجى دور الوظيفة راح تصيروا تتحاسبوا بالدقيقة لازم تكونوا قد المسؤولية وتراعوا الحقوق الوظيفية بتمنى لكل خريج التوفيق وبيستاهل أحلى تصفيق مبروك عليكم وعقبالي تأليف أحمد شبلاق ما في أحلى من الصبايا اللي بقول أني ما حتزوج وحضل طول عمري أعزب اعرف انه ما في بالدنيا متله اكزب ما بنقدر نعيش من غير الصبايا و يا سلام لو كانت متحجبة ولا بسه جلباب وعبايه راح تحلى اكتر واكتر والشب راح يتمنى لو اتعرف عليها أبكر بنحبكم مع أنكم بتحيرونا مره بكلامكم الحلو بتدوبونا ومره بعنادكم بتجننونا بس بنحبكم وبعيونا راح نحطكم ياللا عيشوا يا صبايا وشوفوا حالكم علينا انتو أحلى شي شافتوا عينينا تأليف أحمد صلاح شبلاق الشرب ما بنسي الهم مبارح بالليل سمعت جارنا طالع بغني على الدرج طلع سكران ولما شوفته أنحرج و تاني يوم لما من البيت خرج قال آسف بس كنت مهموم فشربت قلتله بس إن شاء الله يكون الهم  راح وفل ويكون الشرب الاختيار الصحيح و الحل قال لا والله الهم زاد وحالتي صارت bad قلتله يعني الشيطان ضحكت عليك ولعقلك صاد وللسيئة قاد سألني شو الحل اللي راح يزيل الهم هاد قلتله ما إلك آلا القران وذكر الله بكره بكون كل شي انفرج و الهم منك خرج تأليف أحمد صلاح شبلاق كله الا الخيانة خلص نسيتكِ و حسيبكِ روحي لحال سبيلك مش أنا خليلك ما كنتي شايفه حدا قدامك بلحظه نسيتي أحلى أيامك اتزكري عملت ايه حتعرفي حسيبك ليه اللي عملتيه مش قليل حكمتي عليا من غير دليل مع إني وعدك بالصدق والأمانة ورغم حُبك اللي بقلبي والمكانة اتهمتيني بالخيانة وكله الا الخيانة بس بدي تكوني عارفه مش أنا اللي أخون أنا اللي كنت حصون خلص نسيتكِ و حسيبكِ بس بدي اياكي تتعلمي لغيرها ما تحكمي على حدا الا لما تكوني أكيدة والمعلومات اللي عندك حقيقة وصحيحة تأليف أحمد صلاح شبلاق اليد البطالة نجسة والله عيب على هالشيب تكون فاضيه الجيب والله حافظ حججك غيب مره بتقول الوظيفة مش من مقامي طويل وقت دوامي مش مسموع كلامي مره بتقول المدير كتير نظامي بحاسب على التأخير والغياب وعلى الحضور ووقت الذهاب فهمني شو بدك بدك من أول يوم مدير تصير ووقت دوامك يكون قصير بدك مكتب بسكرتير والكل يقولك صباح الخير قلي لمتى راح تعتمد على الغير خلص على حالك اعتمد والمصاري من عرق جبينك استمد بس حابب أخبرك انه اليد البطالة نجسه ومش على كل وظيفة تقول لسه تأليف أحمد صلاح شبلاق الغرور شو مالك على شو شايف حالك لآ وعلى مين مكبر راسك ! ما أحنا أهلك وناسك بدك تتكبر اتكبر بس بعيننا راح تتصغر ازا راح تتكبر علينا راح تنزل من عيننا  متكبر عشانك غني الفلوس بتطير وبلحظة على الحديدة بتصير متكبر عشان........... كله بروح ومحبه الناس اللي بتضل وبتدوم والله ما في بعد التواضع الرسول كان متواضع بكل المواضع أحمد صلاح شبلاق البخل ليه ماسك ايدك البخل ما راح يفيدك فلوسك سعادة ما راح تزيدك ممكن بفلوسك الهم والغم يصيبك وقتها ما راح تستفيد من الغنى اللي طالك ولا من المال اللي جالك من الهم والغم مش مرتاح بالك بفلوسك ما راح تحقق كل امالك اصرف ولا تتباخل  ولا تخزن مالك شو رايك لو تخلي المال بالزكاة طاهر تتصدق و الصايم تخليه فاطر تكفل يتيم و تضمنله مستقبل زاهر صدقيني الله اكتر راح يعطيك من الهم والغم يحميك لطريق الخير يهديك تأليف أحمد صلاح شبلاق وبعدين يا دنمارك والله يا دنماركين زودتوها الإساءة للرسول كررتوها بعدين معاكم باين سكوتنا غواكم المره هاي ما راح نسكت بدكم تضحكوا اضحكوا احنا بنعرف كيف نخليكم تسكتوا في عنا طرق عديده راح تكون المقاطعة هالمره أكيده راح نخليكم على الحديده هذا رسولنا الامين خاتم النبين يا جماعه قاطعوهم وبكل الطرق السلمية هاجموهم لازم يوقفوا عن حدهم صدقوني المقاطعة راح تهدهم تأليف أحمد صلاح شبلاق الواسطة من غير واسطة ما بينعاش الواحد بكون راح يموت بالواسطة لما يفوت غرفة الإنعاش بالواسطة بتعيش المجرم والحرامي بره السجن واللي ببيع حشيش حتى الجرسون بالواسطة صار ياخد بأشيش والله بالواسطة ناس كتير مظلومة صار الجاهل ياخد محل المتعلم والله هاي مش معقولة صاروا ياخدوا مكان المتعلمين بالوظايف والمتعلمين صاروا يبيعوا صحايف حتى المعاملات بطلت تمشي الا ازا صار فيها مكالمات وكان بين الناس مجاملات صاروا ( فيتامين واو) يدلعوها مسمى خدمة صغيرة يحولوها حتى بالرشوة صاروا يمولوها احكوا شو نعمل نمشي بالواسطة والذنب نحمل؟؟ أو الواسطة نهمل؟؟ تأليف أحمد صلاح شبلاق *أبو فدائي شو عم بصير بالدنيا الأخ بغار من أخوه الابن صار يِسب أبوه الأخ بيقتل مظلومة بقضية شرف أخته وأبوه من اللي عمله بطخه الواحد بطل يستحي على دمه ويسال على عمه والعمة والخالة نفس الحالة الواحد بطل يسال على خاله مشغول بالهدنيا ومش فاضي يسال عن حاله نسي انه الخال والد وانه راح يموت ومش خالد الحمايه بتكرها مرت الولد وبتقول يا ريته من غير امه انولد الرجال صاروا بنسوانهم يشكوا والارتباط اللي بينهم يفكوا بطل موجود بحق وحقيقة الصديق اللي بكون عند صاحبه وقت الضيق صار لما يحتاج الصاحب صاحبه جنبه بيعمل حاله ما بحبه وطلعه من قلبه تأليف أحمد صلاح شبلاق * أبو فدائي حال الكون ناس بتنولد وناس بتموت ناس نايمين بالشارع وناس بتخوت ناس من الفقر بتبكي  و بتصيح وناس من الغنى عايشين فوق ريح ناس عندهم هموم أد جبل عقلهم من التفكير فيهم انهبل وناس مش سألين بحدا مش عارفين شو اليوم ومتى بدا هذا حال الكون بس لازم نتغير ونكون لبعض ستر وعون عشان أحنا بشر ومخلوقين من صلوب لازم يكون في رحمه بهالقلوب  شو فيها لو السعيد  يواسي الحزين والغني يساعد المسكين شو فيها لو كل عقيم يرعى يتيم وكل مشلول عكرسي قاعد تمد أيدك وتساعد شو فيها ازا بتقدر تخفف عن أخوك الهم كلكم من لحم ودم في أشياء كتير منيحه ممكن تعملها أغراض بأيدينا عجوز عنه تحملها تساعد فقير بوضع عسير وغيرها كتير بس أنتا شوف يمين وشمال حتلاقي خير بكتير اعمال و ازا انتا بنعمه احمد الله وازا بنقمه وما استحينا وساعدنا مالك الا الله جميع الحقوق محفوظة للشاعر أحمد صلاح شبلاق* أبو فدائي افتحوا قلوبكم يا شب ويا بنت اللي بحب التاني يحكي خايف يكون حب من طرف واحد وواحد منكم يبكي يا خوفي تضيع سنين الحب على الفاضي وواحد منكم يندم على الماضي  احكوا اللي بقلبكم خايف يجي الألم جنبكم يا شب افتح قلبك ولا تخبي لا تقول هي لازم تحكي يا بنت افتحي قلبك ولا تخبي لا تقولي هوه لازم يحكي احكوا ولا تتكبروا هذا حب صعب من بعده تتغيروا وإذا القلب أنجرح صعب يطيب ويرجعله الفرح جميع الحقوق محفوظة للشاعر أحمد صلاح شبلاق * أبو فدائي رخصوا المهر أهلها راح يحرموني منها بسبب الشبكه وبطلت تعجبهم فرق الدبكه بدهم فرقه أجنبيه للزفه بدهم مصاري بنتهم فيهم تتدفى بدهم شبكه غاليه وعمارة عاليه بدهم شبكه من آلماس وبنتهم تكون أول وحده تلبسها من الناس حكيت لأهلها خلي عندكم شوي إحساس والله حرام  يضيع الحب والغرام والله هيك الشباب راح يتيسوا وبناتكم راح يعنسوا ووقتها بنتكم بتكون مقهورة عايشه حياتها مش مسرورة بعدين بتقولوا ياريت ما عملنا هيك ياريت كان هلآ بنتنا مرتاحة مع زوجها بالبيت عشان هيك رخصوا المهر وخلونا نعيش سعداء طول الدهر جميع الحقوق محفوظة للشاعر أحمد صلاح شبلاق * أبو فدائي أتحجبي يا بنت الله يهديكي أتحجبي لا تقولي موضة وتتحججي بالحجاب بترضي ربك وخلق الله بكون حبك و الله الحجاب استر وبتصيري بعيون بعض الشباب أجدر والله المحجبة لقلبي أقرب بحس فيها شي عن الكاشفات أغرب أوعديني تحاولي وتنتصر على الشيطان وتقاومي جميع الحقوق محفوظة للشاعر أحمد صلاح شبلاق * أبو فدائي أطفي السيجارة أطفي السيجارة خنقتني بريحتك ذبحتني شوف أسنانك كيف صارو بعد كم سنه بتقول ليش طارو الدخان ما منه فايده بس مصاريف زايده شوف كحتك دير بالك على صحتك والله حرام عليك بطله دخيل عنيك عم بتضر اللي حوليك كان لازم احكي اللي في بالي وأنصحك لأنك عزيز و غالي ازا بتحبني ارميه وصدرك منه احميه جميع الحقوق محفوظة للشاعر أحمد صلاح شبلاق*أبو فدائي الأم والأب ديروا بالكم يا جماعة على الأم والأب ولا تزعلوا منهم إذا حدا فيهم سب حس أنهم هما الوحيدين اللي قلبك حب صدقوني راح يحبوكم اكتر لما تصيري صبيه أو تصير شب اسمعوا كلامهم وأوفوا بسلامهم ارفعوا رأسهم واحترموا ناسهم اسمعوا كلامهم عندهم خبرة أكتر منا خبريتهم أحسن مليون مره من اللي عنا ديروا بالكم عليهم لما يكبروا لازم تتحملو وتصبروا اتزكروا كيف تعبو معنا وخلوا حياتنا حلوة وإلها معنى اتزكروا كيف سهروا الليل اتزكروا كيف عشان راحتنا شافوا الويل صدقوني عجر لساني عن الكلام مش قادر يعبر عن اللي شافوه منا من الوجع والآم المطلوب منا الطاعة و الاحترام لأنه هيك وصانا الإسلام جميع الحقوق محفوظة للشاعر أحمد صلاح شبلاق* أبو فدائي هدي السرعة هدي السرعة ولا تسرع إذا عديت 120 بتكون مسرع هاي حياتك وأنتا بأول عمرك وما حققت غايتك شباب بعمر الورد راحوا وأهلهم بكيو عليهم و صاحوا اذا انتا راضي ممكن غيرك ما يقدر ينساك وينسى الماضي في ناس بدهم إياك بدهم يعيشو وياك بالسرعة  بتضر غيرك الناس بيكرهوك وبينسو خيرك الحزام ما راح يفيد حياتك ما راح يعيد بس لازم تربطه أكيد يمكن الله بسبه يحميك ويكتبلك عمر جديد جميع الحقوق محفوظة للشاعر أحمد صلاح شبلاق *أبو فدائي